მკურნალი.გე – სინაგლე ჩვენს ფანჯრებში

ჟურნალ “მკურნალის” ინტერნეტ ვერსია არც ისე დიდი ხანია გამოჩნდა და უკვე დიდი პოპულარობით სარგებლობს.

ეს პოპულარობა, ბოლოდროინდელ სკანდალებსაც უკავშირდება, რომელიც მათ “ქადაგეგებს” უკავშირდება.

ჩემ აზრით, მკურნალი.გე დანაშაულს სჩადის და დავასაბუთებ, ასე რატომ ვფიქრობ.

ჯერ რამდენიმე “მარგალიტი” განვიხილოთ:

შეკითხვა:

- ვარ 31 წლის ქალიშვილი, თუმცა რამდენჯერმე მქონია მამაკაცთან ისეთი ურთიერთობა, რომ ორგაზმი განმიცდია. ჩემი აზრით ქალიშვილობა არ დამიკარგია, რადგან არანაირი ტკივილი არ მიგვრძვნია. როცა ვიგრძენი იქ შევჩერდით. მაინტერესებს, რომ დამეკარგა ქალიშვილობა, ხომ აუცილებლად ვიგრძნობდი ამას? და მეორე კითხვა, როცა სექსზე ვფიქრობ და ვიგზნები, მტკივდება მკერდი და თავი. რას მირჩევდით? მადლობთ

პასუხობს მკურნალი:

- გირჩევთ ბევრს ნუ იფიქრებთ სექსზე. (31 წლის ქალიშვილს ესაუბრებიან, შეგახსენებთ © zur.ge) რაც შეეხება ქალიშვილობას, რა მნიშვნელობა აქვს საქალწულე აპკის მთლიანობას, თუკი თქვენ “თანამედროვე” ყაიდაზე დაიწყეთ ცხოვრება ( სად შემიძლია © zur.ge) და ამ ე.წ. თანამედროვე გაგებით,  რაც უფრო მეტი სექსუალური გამოცდილება აქვს ქალს, მით უკეთესია.
ალბათ იმიტომ გწადიათ ქალიშვილობა, რომ მომავალი მეუღლეს უმწიკვლოდ მოაჩვენოთ თავი.  სჯობს იყოთ ის, რაც ხართ და ტყუილით არ დაიწყოთ ცხოვრება. (მადლობა, ბებო, განა არ ვიცი, ორსული რომ შეეტენე პაპაჩემს © zur.ge)

O MY GOD!!!

შემდეგი შეკითხვის ავტორი ჰომოსექსუალი მამაკაცია, 31 წლის წინ, რომელიც თავის საყვარელ ადამიანზე და შტატებში “ჩატარებულ “მკურნალობაზე საუბრობს.

უგენიალურესი პასუხი (ამონარიდები):

…არსებობს არაერთი თეორია ამ პათოლოგიასთან (LOL © zur.ge) დაკავშირებით და ხაზგასმით გვინდა აღვნიშნოთ, რომ გენეტიკური თეორია მათ შორის ყველაზე ნაკლებად აქტუალურია მეცნიერთა წრეში. დადგენილია ისიც, რომ ჰომოსექსუალიზმის ძირითადი მიზეზი ფსიქოლოგიური ფაქტორი გახლავთ. (LOL © zur.ge) …უნდა გითხრათ ისიც, რომ არსებობს ჰორმონული თეორიაც. მამაკაცი ჰომოსექსუალების სისხლში ზოგიერთ შემთხვევაში მართლაც ფიქსირდება ტესტოსტერონის ნაკლებობა ან ესტროგენების სიჭარბე, (LOL © zur.ge) მაგრამ ჰორმონთა ასეთი მაჩვენებლებით მხოლოდ ზოგიერთი მამაკაცი იწყებს გაუკუღმართებულ (LOL © zur.ge) სქესობრივ ცხოვრებას, სხვები კი ჩვეულებრივი – უფლის მიერ დადაგენილი ბუნებრივი ცხოვრებით ცხოვრობენ. (LOOOOL © zur.ge)უნდა გითხრათ, რომ არსებობენ მამაკაცები, რომელთაც სისხლში მეტისმეტად აქვთ მოჭარბებული ტესტოსტერონის დონე, რაც, ალბათ დაგვეთანხმებით, რომ მათი სუსტი სქესის წარმომადგენლებზე ძალადობის, მექალთანეობის და ცხოველურ დონემდე მისული სექსუალური აქტიურობის გამამართლებელ საბუთად არ ჩაითვლება.
ის რასაც თქვენ სიყვარულს უწოდებთ, ვნება გახლავთ. (LOL  ვხოხავ, ბლინ © zur.ge) რაც შეეხება სიყვარულს. სიყვარულით ყველა ადამიანი უნდა გიყვარდეთ, ეს ხომ ადამიანის მოვალეობაა. (:D :D  © zur.ge) მაგრამ ისიც ადამიანის მოვალეობაა, რომ შეძლოს საკუთარი ვნებების მოთოკვა. სწორედ იმით განსხვავდება ადამიანი ცხოველისგან, რომ თავისი ვნებებისა და სურვილების მართვა ძალუძს. ინსტიქტების მონა ცხოველია. ვისაც არ უნდა ადამიანად დარჩეს, ნება მისია, მაგრამ ამის პროპაგანდას და სხვებისთვის თავზე მოხვევას არ დაუშვებენ ისინი, რომელთაც ადამიანად დარჩენა სურთ! ( მამაზეციერო, შეხედე შენი შვილები რაებს წერენ, დაგვეცი ერთი დიდი და გიგანტური ურო © zur.ge)
ქალისა და მამაკაცის სიყვარული უმშვენიერესი გრძნობაა, რომელიც ახალ სიცოცხლეს უდებს სათავეს და იძლევა ამქვეყნად ყველაზე ტკბილ ნაყოფს. (ცრემლების შეკავება მიჭირს © zur.ge)ჰომოსექსუალიზმის ნაყოფი კი გარყვნილებაა – ჰომოსექსუალიზმი სოდომური ცოდვაა. (ბუჰეჰეე © zur.ge)
ჰომოსექსუალისტებისა და მათი მხარდამჭრების ლოგიკით რომ ვიმსჯელოთ და მათი მორალით ვიცხოვროთ, მაშინ გარყვნილების მორევში ჩაეფლობა ქვეყანა. მაგრამ გვერწმუნეთ, ჩვენი ერი არ დაუშვებს ამას. (მაშა, მაშა! © zur.ge) თუ ჰომოსექსუალიზმისა და საერთოდ, გარყვნლების პროპაგანდა გაგრძელდება, ქუდზე კაცი გამოვა საკუთარი შვილების გადასარჩენად.  ( © zur.ge)
მხოლოდ იმის თქმა შეგვიძლია, რომ თუ დახმარება გსურთ, მაშინ მიმართეთ საპატრიარქოსთან არსებულ ფსიქოლოგიური დახმარების ცენტრს. და თუ მხოლოდ ამ ორიენტაციის პროპაგანდის მიზნით გვწერთ, სულ ტყუილად ირჯებით. ქართველს გენეტიკურად აქვს უფლის რწმენა და შიში და სწორი არჩევანის კეთების უნარი.

ამ ყველაფერს კიდევ აიტანდა კაცი, მაგრამ “ქართველს გენეტიკურად აქვს უფლის რწმენა და შიში” რაღა უბედურებაა.  :D  :D  :D გმადლობთ, კოლეგებო, გამამხიარულეთ, ცირკები ხართ, რა, ცირკები.

ნუ, ეს ყველაზე “ლაითი” მაგალიტები, მსგავსი უბედური შემტხვევები კიდევ მრავლადაა, მაგრამ თან საქმე..

აი, რას გვპასუხობს მკურნალი.გე-ს ადმინისტრაცია:

რაც შეეხება მორალის წაკითხვას, უნდა გითხრათ, რომ ადამიანს სხეულის გარდა სულიც აქვს და მცდარი გახლავთ შეხედულება, რომ შესაძლებელია ვუმკურნალოთ მხოლოდ სხეულს და მივიღოთ სტაბილური დადებითი შედეგი, თუკი ადამიანის სულიერი მდგომარეობა არ გამოსწორდება. მედიცინა გაცილებით ღრმა და მრავლისმომცველი მეცნიერებაა, ვიდრე ეს ათეისტებსა და მატერიალისტებს ეგონათ. ამიტომ ექიმი ვალდებულია უმკურნალოს სხეულსაც და ეცადოს, დადებითი მუხტი შეიტანოს პაციენტის სულიერ მდგომარეობაში.

აქ ორი რამაა მნიშვნელოვანი…

მედიცინის ფაკულტეტის ნებისმიერი სპეციალობის მეოთხე კურსელმა უკვე იცის, რომ “სულიერად დაავადებული” და მსგავსი მარაზმები არ არსებობს და მედიცინა მას არ ცნობს.

რა სისულელეა. როგორ შეიძლება, სული დაავადდეს? აბა, დაფიქრდით,”კოლეგებო”. ავადდება სხეული. სულით ავადმყოფებს, ადრე კოცონზე რომ წვავდნენ, დღეს მკურნალობენ, უფრო სწორად, მის გამომწვევ ფიზიოლოგიურ პრობლემებს და არც “სულიერად დაავადებულს” უწოდებენ. გრცხვენოდეთ

და ის, რომ ექიმი პაციენტის “სულიერ მდგომარეობაზე” უნდა ზრუნავდეს, სიმართლესთან ახლოსაა, მაგრამ როგორ წარმოგიდგენიათ იმ ადამიანების “სულიერი მდგომარეობის” გაუმჯობესება, რომლებსაც არაერთხელ ისტერიულად უკივლეთ და ჯოჯოხეთში გააგზავნეთ? ადამიანი ბედავს და გესაუბრებათ, თქვენ კი “სიძვის დიაცს”, “ცოდვის მორევში მოცურავეს” და ათას უბედურებას უწოდებთ. “პაციენტების” ეს ნაწილი შესაბამისი პროფილის, მაგრამ ნამდვლად კვალიფიციურ ექიმს მიაკითხავს? არა. და რამდენი ადამიანის ცოდვა დაიდეთ სხვისი ცოდვების განხილვა-შეფასებით, ეს თქვენ უფრო გეცოდინებათ.

სხვა საკითხია დისტანციური მკურნალობის ასეთი მეთოდი. ისიც მესამე კურსზე ისწავლება, რამხელა დაკვირვება სჭირდება პაციენტს დიაგნოზის დასმისას. ბევრი იტყუება, ბევრი რაღაცას მალავს ან აჭარბებს. ზოგს ცალი თვალი არ აქვს და გეუბნება, რომ დინამოს სტადონიდან ექვსივე თვალით არაჩვეულბრივად არჩევს მარშუტკის ნომერს წერეთლის მეტროსთან. თვითმკურნალობას ვებრძვითო.. ეს უარესია.. არასწორი დიაგნოზით გამოწვეული ფატალური შედეგების სტატისტიკის შესახებ გსმენიათ, ალბათ.

ასეა თუ ისე,  მე თქვენ ეთიკის ნორმების დარღვევაში გადანაშაულებთ! ვინც არ უნდა სცემდეს პასუხს, მოძღვარი, ჟურნალისტი, სატანისტი თუ ბებიაჩემის დაქალი ნეჟნა, “პაციენტები” ესაუბრებიან ექიმს და სწორედ ექიმის პასუხს მოელიან. ისმენენ სისულელეს და ეს ფაქტი ექიმების იმიჯზე ცუდად მოქმედებს, რა თქმა უნდა.

ჟურნალმა “ლიბერალმა” ბოლო ნომერში არაჩვეულებრივი სტატია შემოგვთავაზა. შეიძინეთ და გაეცანით, ჩემს კომენტარსაც იქვე ნახავთ  ეს ყველაფერი  ”ლიბერალში” უფრო აკადემიურადაა გადმოცემული, რა თქმა უნდა

გკოცნით, გეხვევით

თქვენი მტერი :დ